Im Woid draußd is a riesengrouß’ Nest –
hand siwazea Baggern drin gwest,
gefräßig hands – wie junge Gans –
mei Bergerl, Bergerl hast koa Schans.

I bitt enk, baggern, lossts de Bergerl uns steh – weil die Bergerl, Bergerl hand hoid so sche.
Mia woin koa Flachland werdn, mia woin de Berg vererbn,
ned hergschnittne Scherbn!

Für was hat Gott die Kurven geschaffen, liebe Leut?
Damit man sich um Berge herum bewegen soit!
Mecht der moderne Gschwoischädl mitm Kopf durch einen Berg,
dann nehmts eam seine Bagger weg und scho ist er ein Zwerg!

Ach wie herrlich, ach wie schön, diese Einigkeit zu sehn,
CSU und SPD
Seit an Seite, des is sche!
Geht’s ans Teern und Betoniern,
können sie sich arrangiern,
Fortschrittsgläubig gradaus Hand in Hand gehen Katz und Maus.
Naturpark und auch Waldverein
meassn hierzu oissamt schweign,
im Vorstand sitzt da Herr Landrat drin,
s duad jeder Verein in seinem Sinn.
Läuft die Sache auch als Laus über Nationalparks Leber,
sogz nix, da Freistaat ist euer Arbeitgeber!

Da Weg zu meinm Deanal is bredlebn, is bredleben, is bredlebn,
dea kost mi grod vierzehn Sekundn vom Leben, schnej wird’s geh
mitm neia BMW!
Schau schau wia ma d’Berg odrogt, wia ma d’Felsen sprengt, wie ma se plogt!
Das Rehlein staunt über den coolen Sound,
Teermaschin, Teermaschin, bist scho im Woid herin?
Wundervollbringerin, gehst ma nimmer ausm Sinn.
Ja weil, ja weil, weil i Zeit spoan muaß, weil i Zeit spoan muaß, gemma nimma z’Fuaß,
mir spoan ma jede Kurven ei,
bei 150 kmh fejst di frei.
De Fremdn kemmand aus da Stodt, weil ma im Woid so sauberne Rennstrecken hod,
und ausschau duad’s wia überoi,
0815, do feijd ma si woi.

Hoio, hoiodiiri – Waidler, boid is ois hi – lossz enk ned oisse gfoin,
wos de Herrn do drobn woin – de wo mid enkerm Geld zoin!

Miakz enk:
Bei Straßen und bei Frauen sind Kurven ein Genuss,
weil man beim Fahren wie beim Streicheln
einen Umweg machen muss – jawoi!

Vroni Schagemann